ЗамынҮүд суманд Эрээн хотын дарга Тянь Юн айлчиллаа.


Замын-Үүд сум болон Эрээн хотын боловсролын салбарын хамтын ажиллагааны хүрээнд Ерөнхий боловсролын 2-р сургуульд Күнзийн анги нээхээр болсон бөгөөд Замын-Үүд сумыг Хятад хэл сурах төв болгох зорилготойгоор энэхүү ажлыг эхлүүлээд байна. Энэ ажлын хүрээнд 2017 оны 6 дугаар сарын 8-ны өдөр Эрээн хотын дарга Тянь Юн Замын-Үүд суманд албан бус айлчлал хийлээ. Айлчлалын бүрэлдэхүүнд Эрээн хотын Орлогч дарга Уул, Эрээн хотын Олон улсын дээд сургуулийн захирал Ялалт тэргүүтэй төлөөлөгчид хүрэлцэн ирж, 2-р сургуулийн анги танхимтай танилцсан байна. Төлөөлөгчдийг Засаг дарга Н.Алдарбаяр хүлээн авч уулзан, цаашдын хамтын ажиллагааны талаар санал солилцлоо. Уулзалтын төгсгөлд 2 талын хамтын ажиллагааг өргөжүүлэх үүднээс сумын Засаг дарга Н.Алдарбаярыг ойрын хугацаанд Эрээн хотод албан айлчлал хийхийг урьсанаар энэ удаагийн уулзалт өндөрлөлөө.

© Замын-Үүдийн Засаг даргын тамгын газрын захиалгаар хийж гүйцэтгэв.