нарны цахилгаан станцыг хүлээж авах улсын комисс ажиллаа


Дорноговь аймгийн Замын-Үүд сумын нутаг дэвсгэрт Япон улсын “ Шигэмицү шожи” компани, “Шарп” корпораци, “Эрчим тээг” ХХК –ийн хөрөнгө оруулалттай “Нарантээг” ХХК-ийн 15 МВт-ын хүчин чадалтай нарны цахилгаан станц, 10/110 кВ-ын дэд станц, 110 кВ-ын цахилгаан дамжуулах агаарын шугам, “Замын-Үүд” дэд станцын өргөтгөлийн барилга угсралтын ажил дуусч ашиглалтанд хүлээж авахаар 2018 оны 09 дүгээр сарын 04-ны өдөр Эрчим хүчний яамны бодлого зохицуулалтын газрын дарга Б.Насантогтохоор ахлуулсан 18-н хүний бүрэлдэхүүнтэй Улсын комисс ажиллаа.
Байгууламжийн талаарх товч мэдээлэл: 
Суурилагдсан хүчин чадал: 15 МВт 
Жилийн үйлдвэрлэх эрчим хүч: 32 кВтц
Холбогдон ажиллах систем: Төвийн Бүсийн Нэгдсэн Сүлжээ 
Нарны зайн хавтан: Sharp ND-AF320-51840 ш 
“Шарп” корпорацийн хамгийн сүүлийн үеийн дэвшилтэд технологоор бүтээгдсэн, манай орны эрс тэс цаг агаарын нөхцөл, ялангуяа өвлийн хүйтэнд илүү сайн ажилладаг 320 ваттын чадалтай нарны хавтан.
“Гэгээн” НЦС ашиглалтанд орсноор жилд хүлэмжийн хийг 833750 мянган тонноор бууруулах ба 27430 мянган тонн нүүрс, 202000 мянган тонн усны хэрэглээг хэмнэх зэрэг байгаль орчинд үр ашигтай. 
Багануур-Замын-Үүд чиглэлийн шугамын ачааллыг өдрийн цагаар хөнгөлөн системийн хувьд хэвийн үйл ажиллагааг явуулах боломжийг бүрдүүлж шугам болон системийн алдагдлыг бууруулах юм.

© Замын-Үүдийн Засаг даргын тамгын газрын захиалгаар хийж гүйцэтгэв.