Замын-Үүд сумын Хилийн боомтод байгуулагдсан тээврийн хэрэгслийг халдваргүйжүүлэх байгууламжны нээлтийн ажиллагаа боллоо


Монгол улсын МХЕГ-ын даргын санаачилгаар БНХАУ-ын ӨМӨЗО-ны Эрээн хотын Ардын засгийн ордны буцалтгүй тусламжаар Замын-Үүд сумын Хилийн боомтод байгуулагдсан тээврийн хэрэгслийг халдваргүйжүүлэх байгууламжны нээлтийн ажиллагаа өнөөдөр боллоо. Тус нээлтийн арга хэмжээнд оролцохоор Монгол улсын МХЕГ-ын дарга, Улсын ерөнхий байцаагч Н.Цагаанхүү, Замын-Үүд сумын Засаг дарга Н.Алдарбаяр, Замын-Үүд сумын Засаг даргын орлогч О.Үүрцайх, , Эрээн хотын намын хорооны дарга Тан юун, Эрээн хотын Засаг даргын орлогч Цогзол, Эрээн хотын Гадаад харилцааны дарга Нарсаа, Эрээн хотын боомтын захиргааны дарга Ханбат, Эрээн хотын хорио цээрийн газрын орлогч дарга Ван ду шин, БНХАУ-ын Замын-Үүд дахь Ерөнхий консулын тамгын газрын дарга Бо Эрдэнэ Замын-Үүд дэх хилийн мэргэжлийн хяналтын газрын дарга н.Батмөнх гэсэн хүмүүс оролцлоо. Тээврийн хэрэгслийн халдваргүйжүүлэлтийн жишиг байгууламж байгуулагдсанаар хил дамжин халдварлах халдварт өвчин, ургамлын хорио цээртэй зүйлс хилээр нэвтрэх дамжин тархахаас урьдчилан сэргийлэхээс гадна 
- Хилийн боомтын нэвтрэх цэгийн чадавхийг нэмэгдүүлэх;
- Хоёр улсын боомтын үйл ажиллагааг ижил түвшинд хүргэх; 
- Халдваргүйжүүлэлт бүрэн гүйцэд, чанартай хийгдэх; 
- Цаг хугацаа хэмнэгдэх давуу талууд нээгдэж байгаа юм. Мөн арга хэмжээний үеэр БНХАУ-ын Замын-Үүд дэх Ерөнхий консулын газраас Замын-Үүдийн хилийн мэргэжлийн хяналтын газарт Автобус бэлэглэж түлхүүрийг гардуулан өглөө.

© Замын-Үүдийн Засаг даргын тамгын газрын захиалгаар хийж гүйцэтгэв.