15 МВ-ЫН хүчин чадалтай "ЗҮ ГЭГЭЭН" Нарны цахилгаан станцтай болно


2017 оны 09 сарын 5-ны өдөр Замын-Үүд суманд 15 МВ-ЫН хүчин чадалтай "ЗҮ ГЭГЭЭН" Нарны цахилгаан станцын шав тавих ёслолын үйл ажиллагаа боллоо.

Үйл ажиллагаанд Эрчим хүчний сайдын зөвлөх Ц.Баярбаатар, Дорноговь аймгийн Засаг дарга Т.Энхтүвшин,ИТХ-ын дарга Б.Анхбаяр, Сумын Засаг дарга Н.Алдарбаяр, ШИГЭМИЦҮ ШОЖИ компаний ерөнхийлөгч Гэгээнтана, НАРАНТЭЭГ ХХК-ийн гүйцэтгэх захирал Л.Ганзоригт болон бусад албаны хүмүүс оролцлоо.

15 МВт хүчин чадалтай “ЗҮ Гэгээн” нарны цахилгаан станц нь:
- Монгол Улсын Засгийн газраас Сэргээгдэх эрчим хүчний талаар барьж буй бодлого, Сэргээгдэх эрчим хүчний хууль, Сэргээгдэх эрчим хүчний Үндэсний хөтөбөрийг амжилттай хэрэгжүүлэхэд чухал ач холбогдолтой,
- “Сайншандын аж үйлдвэрийн парк”, “Замын-Үүд эдийн засгийн Чөлөөт бүс” болон уул уурхайн бусад томоохон төслүүд хэрэгжих бүс нутгийн эрс нэмэгдэж буй цахилгаан эрчим хүчний хэрэглээг ханган, 
- нэгдсэн сүлжээний тогтвортой, найдвартай үйл ажиллагааг дээшлүүлж, УБ-ЗҮ чиглэлийн 660 км урттай шугамын ачааллыг өдрийн цагаар хөнгөлөн системийн хувьд хэвийн үйл ажиллагааг явуулах боломжийг бүрдүүлнэ. 
- “ЗҮ Гэгээн” НЦС ашиглалтанд орсноор 25 жилийн турш ойролцоогоор 645.6 сая кВтц байгальд ээлтэй цэвэр эрчим хүч үйлдвэрлэх болно. Энэ нь 833’750 мянган тонн хүлэмжийн хийн буурилатыг бий болгох ба 685’750 мянган тонн нүүрс, 5’050’000 мянган тон усны хэрэглээг хэмнэх зэрэг үр ашигтай. 
- Станц нь Монголын говийн бүсэд томоохон нарны цахилгаан станц байгуулах туршлага болж, нарны энергийн судалгааг нэмэгдүүлэн цаашид манай оронд сэргээгдэх эрчим хүчний хөгжилд томоохон ач холбогдолтой.
- Санхүү эдийн засгийн хувьд энэхүү төслийг хэрэгжүүлснээр шинээр 24 ажлын байр бий болон, 25 жилийн дотор НЦС нь Монгол Улсад татвар хэлбэрээр 37,11 тэрбум төгрөг оруулна

 

© Замын-Үүдийн Засаг даргын тамгын газрын захиалгаар хийж гүйцэтгэв.