Засаг даргын мэндчилгээ


 
 
САХИЛГА ХАРИУЦЛАГА ДОР БҮТЭЭН БАЙГУУЛАЛТ
ӨРНҮҮЛСЭН ОН ЖИЛИЙГ АВЧИРНА
 
 Эх орны хөгжлийн үүд, өмнөд хилийн алтан босго Замын-Үүдэд ажиллаж амьдарч байгаа мянга мянган иргэд хөдөлмөрчид та бүхнийхээ ажил амьдралд эрүүл энх сайн сайхан бүхнийг хүсэн ерөөж мэндчилье! 2016 оны орон нутгийн сонгуулиар МАН-д өндөр их итгэл хүлээлгэж МАН-ыг багаар нь дэмжсэн нутгийн зон олон та бүхэндээ гүн талархал илэрхийлье! Энэ сонгууль бол түүхэн сонголт түүхэн хөгжлийн эхлэл байсан бөгөөд Сум орон нутгаа хөгжүүлэх, ард түмэндээ ээлтэй оновчтой бодлого хэрэгжүүлэх их үүрэг хариуцлагыг бидэнд хүлээлгэсэн билээ. Тиймээс сумын засаг даргын 2016-2020 онд хэрэгжүүлэх үйл ажиллагааны “ХӨГЖЛИЙН ТӨЛӨӨ БИД ХАМТДАА” хөтөлбөрөө та бүхэндээ танилцуулж байгаадаа баяртай байна.    
 
         Улс оронд бий болсон эдийн засаг санхүүгийн хүндхэн цаг  үе бидэнд тулгарсан ч сум орон нутийнхаа онцлогийг түшиглэн эдийн засгаа сэргээж  тогтвортой хөгжлийг бий болгох, Сум орон нутагт тулгамдаж буй асуудлуудыг шат дараалан шийдвэрлэх, орон нутгийн хөгжлийг шинэ шатанд гаргах, иргэдийн ая тухтай амьдрах орчин нөхцлийг бүрдүүлэх,  төрийн үйлчилгээг хөнгөн шуурхай найрсаг ил тод нээлттэй үзүүлэх зэрэг нийгэм олон нийтийг хамарсан олон чухал хөтөлбөр зорилтуудыг тусгалаа.
 
         Төрийн бодлогын залгамж чанарыг дээдлэн өмнөх жилүүдэд орон нутгаас гаргасан дунд болон урт хугацааны хөгжлийн бодлого, салбарын хөгжлийн талаар төрөөс баримтлах бодлого, мастер төлөвлөгөө зэрэг баримт бичгээр нэгэнт тодорхойлогдон хэрэгжиж ирсэн орон нутгийн болон салбарын бодлого цаашдын хөгжлийн асуудлаар байгуулсан гэрээ хэлэлцээрүүдийг хэрэгжүүлэн ажиллах болно. Аймгийн хөгжлийн Мастер төлөвлөгөө /2011-2020/, 2016 оны орон нутгийн сонгуульд оролцсон Монгол Ардын намын сонгуулийн мөрийн хөтөлбөр, иргэний нийгмийн байгууллагууд, иргэд сонгогчидын саналд үндэсэн 2016-2020 онд хэрэгжүүлэх сумын Засаг даргын үйл ажиллагааны хөтөлбөрөө тодорхойллоо. Энэ хөтөлбөр бол зөвхөн МАН-ын хөтөлбөр биш Замын-Үүдчүүд та бидний хамтдаа хэрэгжүүлж, хамтдаа хөгжих хөгжлийн хөтөлбөр юм.    
         Төрийн бодлогоо оновчтой тодорхойлж  Замын–Үүдэд үйл ажиллагаа явуулж буй төрийн болон төрийн бус байгууллага, иргэд олон нийтийн идэвхитэй оролцоо хамтын ажиллагаанд тулгуурлан дэвшүүлсэн зорилгодоо хүрч Алтан наран ивээж амьдрал тэгширсэн их говийнхоо уудам хязгаарт орчин үеийн жишигт нийцсэн шинэ сум шинэ хот болгон хөгжүүлнэ гэдэгт итгэлтэй байна. 
 
ЗАМЫН-ҮҮД СУМЫН 
 
© Замын-Үүдийн Засаг даргын тамгын газрын захиалгаар хийж гүйцэтгэв.